Wasiir kuxigeenka Wasaaradda kalluumeysiga oo kormeeray Xaafadda Kalluunka Degmada Waabari

Wasiir kuxigeenka Wasaaradda kalluumeysiga iyo kheyraadka badda  Cabdullaahi Cumar Abshirow oo ay wehlinayeen Agaasimaha Guud ee  iyo qaar ka mid ah  Agaasime Waaxeedyada Wasaaradadda Kalluumeysiga ayaa kormeeray Xaafadda  kalluunka  ee degmada waabari oo ka mid ah dhulka wasaaradda  ay lahayd oo muddooyin kii dambe ay daganaayeen dad shacab ah.

Wasiir kuxigenka ayaa xaafadda kalluunka kula kulmay Guddi Odayaal ah oo  ka socday dadka Xaafadda Daggan, iyagoo ka wada hadlay sidii dhulkaas loo banayn lahaa.

Cali Axmed Cabdulle oo ka mid ah Odayaasha Xaafadda kalluunka ayaa sheegay in ay diyaar u yihiin inay Baneeyaan dhulka wasaradda Kalluumeysiga.

Wasiir kuxigeenka wasaaradda kalluumaysiga Cabdullaahi Cumar Abshirow oo lahadlay Warbaahinta Qaranka ayaa Akhriyay wareegto ka soo baxday wasaaradda Kalluumeysiga oo la xiriirta in wasaaraddu u baahan tahay deegaankan.

Dhanka kale Wasiir kuxigeenka ayaa booqday Xaru Cusub oo ay ku shaqayn doonto wasaradda Kalluumeysiga taas oo ku taalla Degmada Cabdicasiis ee Gobolka Banaadir.

Isha: Radio Muqdisho

Faafin: Shalambood.com

SHARE

LEAVE A REPLY

Please enter your comment!
Please enter your name here