AKHRISO: Dowladda Federalka Oo Ka Hadashay Mowqifka Abuu Mansuur, Sheegtayna Inay Soo Dhaweyneyso Qof Walbo Oo Ka Tanaasulayo Fikirka Alshabaab

War Qoraal ah oo kasoo baxay Dowladda Federaalka Soomaaliya ayaa looga hadlay nabadda uu qaatay Sheekh Mukhtaar Roobow iyo ka bixitaanka uu ka baxay Kooxda Alshabaab.

Qoraalka oo ka soo baxay Wasaaradda Warfaafinta dowladda Federalka Soomaaliya ayaa waxaa lagu yiri sida soo socoto:

“Siyaasadda Dowladda Federaalka Soomaaliya waxaa aasaas u ah in shakhsigii ka waantooba falalka argagaxisnimada ah, doonayana inuu ka qeyb qaato nabadeynta dalka in lasoo dhaweeyo.

Sidaas darteed, Dowlada Federaalka Soomaaliya waxey soo dhaweyneysaa Mukhtar Roobow Cali oo Muqdisho jooga, xaqiijiyeyna inuu ka baxay kooxda Al-Shabaab.

Haddaba iyada oo laga duulayo cafiskii Madaxweynaha Jamhuuriyada Federaalka Soomaaliya Mudane Maxamed Cabdullaahi Farmaajo, ayaa dowladdu waxey ballanqaadeysaa inay soo dhoweyneyso cid walba oo ka tanaasusha fikirka Al-Shabaab.

Dowlada Federaalku waxay u mahadcelineysaa cid walba oo ka qeybqaadatay, kaalinna ka geysatay wadahadalka lala wado Roobow, gaar ahaan bulshada qeybaheeda kala duwan iyo saaxiibada Beesha Caalamka”

SHARE

LEAVE A REPLY

Please enter your comment!
Please enter your name here